Friday, August 14, 2009

సాంగత్యపు సౌరభం

ప్రాతః నిశీధి, బంగారు లేత కిరణాలు

నాలోకి నువ్వు.
-----------------------------

రసహీనత, నీ అరనవ్వు

వ్యాధికి సూదిమందు.
-----------------------------

రవి కిరణాన్ని వాన చినుకు అడ్డిన క్షణం, నీ క్రీగంటి చూపు తాకిన క్షణం

నా సృజనకి మరుజన్మం.
-----------------------------

మెడ దిగువున నీ పుట్టుమచ్చ, నా చూపు

బోధి కింద బుద్ధుడు.
-----------------------------

వేసవిలో మల్లెలు విరిసిన సంధ్య, చిన్ని చిన్ని ఆనందాల కేరింతలు

నీ సాంగత్యపు సౌరభం.
-----------------------------

3 comments:

Purnima said...

బాగున్నట్టే ఉంది. బాగుంది!

మురారి said...

@పూర్ణిమ,
భలే చాతుర్యంగా చెప్పారే. స్పందనకి థాంకులు.

మోహన said...

కలిగే స్పందనను అనుభవించటం ఒక ఎత్తైతే దానిని వడిసిపట్టి పదాల్లో పెట్టడం... బాగుంది.
ప్రకృతితో అనునయించి చెప్పటం ఇంకా బాగుంది.